काठमाडौँ, १४ माघ : मौसम पूर्वानुमान महाशाखाका अनुसार आज देशका थोरै भू-भागमा मौसम बदली हुने जनाएको छ । मौसममा सामान्य बदली भए पनि वर्षा र हिमपातको सम्भावना नरहेको महाशाखाले जनाएको छ ।
त्यस्तै जल तथा मौसम विज्ञान विभागको मौसम पूर्वानुमान महाशाखाका अनुसार आज दिउँसो प्रदेश १ मा भने सामान्य बदली हुनेछ । बाँकी भू(भागमा भने सफा रहनेछ ।
त्यसैगरी आज राति भने प्रदेश १ सँगै गण्डकी र सुदूरपश्चिम प्रदेशमा आंशिक बदली हुने सम्भावना रहेको पनि जल तथा मौसम विज्ञान विभागको मौसम पूर्वानुमान महाशाखाले जनाएको छ ।
भोलि दिउँसो भने बदली भई केही स्थानमा हल्का हिमपातको सम्भावना रहेको महाशाखाले जनाएको छ ।