काठमाडौँ : क्रेष्ट माइक्रो लाइफ इन्स्योरेन्स लिमिटेडकोे आइपिओको बाँडफाँड मंगलवार सम्पन्न भएको छ । एनआइएमबि एस क्यापिटल लिमिटेडको निष्काशन तथा बिक्री प्रबन्धकत्वमा रहेको उक्त कम्पनीको प्रति शेयर रु.१००/– अंकित दरमा १८,४५,००० कित्ता साधारण शेयर बाँडफाँड भएको हो ।
२०८१/११/२२ गतेदेखि मिति २०८१/११/२६ गतेसम्म सर्वसाधारणका लागि सार्वजनिक निष्काशन तथा बिक्री खुल्ला गरिएकोमा उक्त अवधिभिर सि–आस्बा सदस्य बैंक तथा वित्तीय संस्थाहरुमार्फत कुल १,९६५,८११ जना आवेदकहरुबाट २२,७३९,६५० कित्ता शेयरको लागि आवेदन प्राप्त भएको थियो ।
सो मध्य १०,१२६ जना आवेदकबाट १,५४,८८० कित्ता शेयरका लागि रितपूर्वक आवेदन नरहेकाले उक्त आवेदनहरु रद्द गरि जम्मा १,९५५,६८५ जना आवेदकलाई गोलाप्रथा मार्फत आज मिति २०८१/१२/०५ गते बिहान ८ः३० बजे शेयर बाँडफाँड गरिएको बिक्री प्रबन्धकले जानकारी दिएको छ ।
क्रेष्ट माइक्रो लाइफ इन्स्योरेन्स लिमिटेडको कूल २२,५०,००० कित्ता साधारण शेयरको १०% अर्थात २,२५,००० कित्ता साधारण शेयर नेपाल सरकारको सम्बन्धित निकायबाट श्रम स्वीकृति प्राप्त गरी वैदेशिक रोजगारीमा रहेका नेपाली नागरिकहरुलाई, ३ प्रतिशत अर्थात ६७,५०० कित्ता साधारण शेयर कम्पनीका कर्मचारीहरुलाई र ५ प्रतिशत अर्थात १,१२,५०० कित्ता साधारण शेयर सामूहिक लगानी कोषहरुलाई बाँडफाँड गरे पश्चात् बाँकी रहेको १८,४५,००० कित्ता साधारण शेयरहरु सर्वसाधारणका लागि निष्काशन गरिएको थियो ।