काठमाडौँ : काठमाडौँको सिनामंगलमा होलसेल तथा खुद्रा तरकारी बजार संचालनमा ल्याइएको छ । सिनामंगल वरिपरिका उपभोक्तालाई ताजा तरकारी तथा फलफुल उपलब्ध गराउने उदेश्यका साथ तरकारी बजार संचालनमा ल्याइएको संचालक राम बहादुर राईले बताएका छन्।
काठमाण्डौ महानगरपालिकाले .व्यवस्थित सहर निर्माणका लागि फुटपाथ व्यपारलाई निषेध गरे संगै तरकारी बजारले ठेला र फुटपाथ व्यपारीलाई व्यवसाय गर्न केहि रुपमा मद्दत गर्ने संचालक राईले बताएका छन् ।
आज फागुन १ गते देखि काठमाण्डौ मेडिकल कलेजको पछाडी, पहिलाको विश्रान्ती पार्टी प्यालेस भएको ठाउँमा तरकारी बजार सुचारु भएको हो । आधुनिक व्यवस्थापन, प्रशस्त पार्किङको सुविधा र २४सै घण्टा CCTV तथा सेकुरिटीको व्यवस्था तरकारी बजारमा रहेको छ ।