राष्ट्रिय सहकारी बैंकका अध्यक्ष उप्रेतीको आत्मकथा लोकार्पण

पुस्तक लोकार्पण कार्यक्रममा नेकपा माओवादी केन्द्रका सचिव तथा पूर्वमन्त्री लिलामणी पोखरेलले उप्रेतीले सहकारी क्षेत्रमा खेलेको भूमिका आफुहरुलाई जानकारी भएको चर्चा गर्दै उनको आत्मकथाले नेपालको सहकारी अभियानलाई सही बाटोमा ल्याउन सहयोग पु¥याउनु पर्नेमा जोड दिए । नेपालको सहकारी अभियान सही बाटोमा अझै जान नसकेको बताउँदै पोखरेलले भने, ‘उप्रेती र उहाँजस्तै अभियानकर्मीहरुको सक्रियता र राजनीतिक दल र सरकारको सहयोगमा यसलाई विपन्न वर्गका जनताको सारथी बनाउन सबै लाग्नु पर्छ ।’

नेकपा एमालेका पोलिटव्यूरो सदस्य, सहकारी तथा गरिवी निवारण विभागका प्रमुख कलम चौलागाईले सहकारी अभियानलाई सबैको साझा बनाउनका लागि केबी उप्रेतीको भूमिका प्रभावकारी रहेको आफुले पाएको बताए । व्यवसायिक रुपमा सबैलाई मिलाएर अभियानलाई अगाडि बढाउन उप्रेतीको भूमिकाका बारेमा सबैको सकारात्मक भावना पाएको भन्दै उनले सबै मिलेर सहकारी अभियानलाई जोगाउनु पर्नेमा जोड दिए ।

पुस्तको पहिलो खण्डमा उप्रेतीको व्यक्तिगत जीवनका बारेमा लेखिएको छ । गाउँबाट आएको कृष्ण काजी हुँदै एसएलसीमा सहभागी, स्ववियू सभापति देखि २ सन्तानको पितासम्म उल्लेख गरिएको छ । यही खण्डमा राजनीति देखि पत्रकारिता जोडिएको छ भने, दोस्रो खण्डमा सहकारी खण्ड भनेर २५ वटा विषय उल्लेख गरिएको छ । अन्तिम खण्डमा केबी उप्रेती पात्र एक, प्रसंग भन्दै केबी उप्रेतीका बारेमा २२ जना सहकारी अगुवाहरुका धारणा समेटिएको छ ।