काठमाडौं, १७ कात्तिक : मौसम पूर्वानुमान महाशाखाले जनाएअनुसार आज देशभरका केही पहाडी भेगमा हल्का वर्षाको सम्भावना रहेको छ ।
महाशाखाका अनुसार पश्चिमी वायुको सामान्य प्रभाव रहेका कारण आज दिउँसो प्रदेश १, बागमती र गण्डकी प्रदेशका केही पहाडी भूभागका एक-दुई स्थानमा हल्का वर्षाको सम्भावना रहेको छ ।
बाँकी भूभागमा भने मौसम सामान्यतया सफा रहने आँकलन गरिएको छ ।
त्यसैगरी १८ गते शुक्रबार पहाडी भूभागका एक-दुई स्थानमा हल्का वर्षा हुनसक्ने पूर्वानुमान गरिएको छ भने राति पहाडी भूभागमा आंशिक बदली रहने देखिएको पनि महाशाखाको पूर्वानुमान रहेको छ ।