काठमाडौं : अब इसेवा मार्फत अमेरिकन लाइफ इन्स्योरेन्स् कम्पनी मेटलाइफको प्रिमियम भुक्तानी गर्दा १ हजारसम्म क्यासब्याक पाइने भएको छ ।
इसेवा मार्फत आफ्नो जीवन वीमाको प्रिमियम भुक्तानी गर्दा ०.५ प्रतिशत अर्थात् अधितम १ हजारसम्म क्यासब्याक ४८ घण्टा भित्र पाइने भएको हो ।
यस किसिमको क्यासब्याक वीमा शुल्क भुक्तानी गर्ने मितीबाट ७ दिनसम्म प्रिमियम भुक्तानी गर्दा पाइनेछ । यसरी भुक्तानी गर्दा इसेवाले हाल इन्स्योरेन्स्को शुल्क भुक्तानीमा सुरु गरेको लखपति योजनामा पनि सहभागी हुन सकिने छ । यस योजनामा हरेकदिन एक जनाले एक हजार र बम्पर उपहारमा रु एक लाख रुपैयाँ जित्न सकिनेछ ।
साथै मेटलाइफका कुनैपनि शाखा कार्यालयका काउण्टरबाट इसेवा तथा फोनपे को क्यूआर मार्फत पनि प्रिमियम भुक्तानी गर्न सकिन्छ ।
हाल इसेवाबाट सबै वीमा कम्पनीको वीमा शुल्क भुक्तानी गर्न सकिन्छ ।इसेवाबाट इन्सयोरेन्स्को प्रिमियम भुक्तानी मोबाईल, टेलिफोन, इन्टरनेट, बिजुली तथा खानेपानीको महशुल भुक्तानी, रिचार्ज, हवाइजहाज, बसको टिकट, स्कुल कलेजको शुल्क भुक्तानी गर्न सकिन्छ ।
विश्वका ४० देशमा अमेरिकन लाइफ इन्स्योरेन्स्का शाखा रहेका छन् । नेपाली वीमा बजारमा आग्रणी मानिने मेटलाइफले हरेक समय नयाँ र सर्वसाधारणका लागि उपयोगी जीवन वीमा योजना सञ्चालन गर्दै आएको छ ।
नेपालमा यसले ग्राहकहरुलाई जीवन बीमा, दुर्घटना वीमा तथा स्वास्थ बीमा र सामुहिक वीमा जस्ता वीमा योजनाहरु उपलब्ध गराउँदै आएको छ ।