काठमाडौँ, माघ। स्पानिस ला लिगाको आइतबार राति भएको बार्सिलोना र एट्लेटिको मड्रिडको खेलमा एट्लेटिको मड्रिड ४-२ गोलले स्तब्ध भएको छ ।
बार्सिलोनाको घरेलु मैदान क्याम्प नोउमा भएको उक्त खेलमा सुरुवाती अग्रता एट्लेटिकोले लिएको थियो । एट्लेटिकोको लागी खेलको आठौं मिनेटमा यानिक कारास्कोले गोल गर्दै अग्रता दिलाएका थिए । तर, दशौँ मिनेटमा जोर्डी अल्बाले डानी अल्भ्जको पासमा उत्कृष्ट गोल गर्दै बार्सिलोनालाई १-१ गोलको बराबरीमा ल्याएका थिए ।
२१औं मिनेटमा पाब्लो गाभीले गोल गरेपछि बार्सिलोना २-१ को अग्रता बनायो । ४३औं मिनेटमा रोनाल्डो अरुजोले गोल गरेपछि बार्सिलोनाले पहिलो हाफमा ३-१ को अग्रता बनायो ।
खेलको ४९औं मिनेटमा डानी अल्भ्सले गोल गर्दै बार्सिलोनालाई ४-१ को अग्रता दिलाए ।
५८ औं मिनेटमा लुइस सुआरेजले एट्लेटिकोका लागि दोस्रो गोल गरे ।
खेलको ६९औं मिनेटमा अल्भ्सले रातो कार्ड पाउँदै मैदान बाहिरिएपछि बार्सिलोना १० खेलाडीमा समेटिएको थियो ।
जितपछि बार्सिलोना २२ खेलमा ३८ अंक जोड्दै एट्लेटिकोलाई पछि पार्दै चौथो स्थानमा उक्लेको छ ।
एट्लेटिको ३६ अंकसहित पाँचौं स्थानमा छ ।
हिजो राति नै भएको अर्को खेलमा विल्लार्रेअल र रेअल बेटिसको खेलमा विल्लार्रेअलले २ – 0 को जित हात पारेको छ । उसको लागी पाऊ टोर्रेस र एतिएन्ने कपौएले एक- एक गोल गरेका थिए ।
रेअल बेटिस ४० अंकका साथ तेस्रो स्थानमा छ भने विल्लार्रेअल ३५ अंकसहित अंकतालिकाको छैटौं स्थानमा छ ।
उता रिएल मेड्रिडले आज राति भएको खेलमा ग्रान्डालाई १ – 0 ले हराएको छ । रेअलको जितमा मार्को असेंसियोले खेलको ७४ औं मिनेटमा गोल गरेका थिए ।
रिएल मेड्रिड ५३ अंकसहित अंकतालिकाको सिर्स स्थानमा छ भने ग्रान्डा २४ अंकका साथ १६ औं स्थानमा छ ।
