काठमाडौँ, माघ १२
२० औं आहारारा गोल्डकपको पहिलो सेमिफाइनल खेलमा एपिएफले मच्छिन्द्रलाई पराजित गर्दै फाइनलको यात्रा सुनिश्चित गरेको छ ।
बुधबार पोखरा रंगशालामा भएको सेमिफाइनल खेलमा एपिएफले मछिन्द्रलाई ३-१ ले पराजित हो । जितसँगै एपीएफ क्लब १४ वर्षपछि आहा रारा गोल्डकप फुटबलको फाइनलमा पुगेको छ ।
एपिएफका लागि सन्तोष श्रेष्ठ, प्रदीप लामा र नवीन लामाले गोल गरेका थिए।
खेलमा एपीएफले २५ औं मिनेटमा अग्रता लिएको थियो । उनका लागी सन्तोष श्रेष्ठले अग्रता गोल गरेका थिए । एपीएफको अग्रतालाई मच्छिन्द्रले धेरै टिक्न दिएन । खेलको ३९ औं मिनेटमा मच्छिन्द्रका ओमोलाजा न्युरियन करिमले गोल गर्दै खेललाई बराबरीमा ल्याएका थिए ।
पहिलो हाफ बराबरी १- १ गोलमा सकिए पनि दोस्रो हाफको ६७ औं मिनेटमा एपिएफले पुनः अग्रता लियो । उनका लागी प्रदीप लामाले दोस्रो गोल गरेका थिए ।
र नवीन लामाले दोस्रो हाफको इन्जुरी टाइमको आठौं मिनेटमा गोल गर्दै खेललाई फाइनल यात्रा पक्का गरे।
अब उपाधिका लागि एपिएफले दोस्रो सेमिफाइनलको विजेतासँग प्रतिस्पर्धा गर्नेछ।
दोस्रो सेमिफाइनल खेल बिहीबार मनाङमस्र्याङ्दी र त्रिभुवन आर्मी क्बलबीच हुनेछ ।